Американските истражувачи на Универзитетот Сент Луис докажале дека по блага форма на Ковид-19, во организмот остануваат имунолошки клетки кои можат да создадат антитела против коронавирусот доживотно, објави списанието „Nature“.
Ваквата долгорочна заштита ја прави веројатноста за повторна инфекција многу мала. Во студијата на американските медицински лица учествувале 77 луѓе. Еден месец откако биле заразени со Кoвид-19, тие давале крв во интервали од три месеци. Кај повеќето од нив биле забележани благи форми на болеста. Само шест од нив биле хоспитализирани. Примероци од коскена срж биле земени од 19 пациенти околу 7-8 месеци по инфекцијата. Четири месеци подоцна, четири од нив дале втор примерок од коскена срцевина.
Како што се очекувало, нивото на антитела во крвта на учесниците брзо опаднало во првите неколку месеци по инфекцијата. Потоа се израмниле. Иако во медиумите имаше извештаи дека нивото на антитела се намалува по инфекцијата, тоа не е поврзано со ослабениот имунитет на пациентот. Во неговото тело остануваат клетки способни да направат антитела против САРС-КоВ-2. Истражувачите откриле дека овие клетки, наречени плазма клетки, биле присутни во крвта на луѓето 11 месеци по инфекцијата. Тие мигрираат во коскената срцевина, каде постојано лачат антитела во крвотокот, обезбедувајќи заштита од повторна инфекција.
Истражувачите сугерираат дека луѓето кои доживеале асимптоматски Ковид-19, исто така, може да имаат долгорочен имунитет.
Останува да се види дали пациентите кои доживеале тешки форми на Ковид-19, можат да бидат заштитени од повторна инфекција со коронавирусот.
