Тепихот ќе изгледа како од салон по чистењето. Ако имате мали деца или миленичиња, многу е подобро да ги отстраните дамките со природни средства за чистење отколку со индустриски хемикалии.
Намирниците што ги имате во кујната се подеднакво ефикасни како и средствата за чистење од аптеките. Дамките на тепихот што настанале од домашните миленици ќе ги отстраните ако ги третирате со прашок за пециво.
Измешајте го прашокот за пециво со малку вода, така што смесата е густа, а потоа истријте ја дамката. Потоа добро исчистете го тепихот со правосмукалка.
Со помош на кисела вода, многу успешно можете да ја отстраните новоформираната дамка на тепих. И не само на тепих, туку и на други платнени површини како што се фотелји, кревети, аголни гарнитури и слично.
Неопходно е да се истури кисела вода врз постоечката дамка и да се остави да стои. Дамката брзо ќе се повлече и само ваше е да ја избришете областа што е зафатена со дамка со крпа.
Компирите се многу ефикасни за чистење теписи, бидејќи ќе успеат да извлечат длабока нечистотија, а вашиот тепих ќе изгледа како нов. За да го исчистите тепихот на овој начин, треба да го изрендате компирот, а потоа да го прелиете со врела вода.
Оставете го да отстои додека не се излади, а потоа користете исцедена крпа натопена во таа смеса за детално да го поминете целиот тепих. Потоа вакуумирајте го тепихот. Ќе бидете пријатно изненадени од резултатот.
