Среќниот бамбус е еден од најпопуларните „лекови“ против негативната енергија во домот. Тој носи мир, добра енергија и смиреност, па затоа се смета за идеален подарок за некој што го сакате.
За ова растение е приврзано старото кинеско верување дека носи среќа на различни полиња од животот. Ќе го најдете во секоја цвеќарница, но всушност не е бамбус туку „dracena sanderiana“, но со својот изглед и издржливост потсетува на него.
Во Азија се воведува во нови станови бидејќи позитивно влијае на емоциите на домаќинството и атмосферата во домот, како и на деловниот простор бидејќи се верува дека носи успех и напредување во кариерата.
Колку среќни стебленца од бамбус ни требаат?
Се верува дека две стебленца среќен бамбус носат љубов, три стебленца даваат среќа, пет стебленца ќе ви донесат здравје, осум стебленца се за оние кои сакаат богатство и девет стебленца ќе донесат среќа на сите полиња.
Среќниот бамбус има минимални барања за одржување. Се чува во вода (во проѕирна или непроѕирна вазна).
Но, за разлика од другите режани цветови, може да се долива вода на секои 10 дена до две недели бидејќи ова растение брзо ги впива хранливите материи и најдобро е да се користи застоена вода, така што околу 10 cm од стеблото да е во вода.
Успева и на осветлени и на затемнети места. Водата во која се чува бамбусот може да биде украсена со камчиња. Среќниот бамбус се смета за најдобро растение за фенг шуи кое ги балансира природните елементи во својата околина – вода, земја, оган, дрво и метал.
