Промените на косата може да бидат еден од знаците дека тироидната жлезда не функционира добро …
Тироидната жлезда е ендокрина жлезда која произведува хормони кои содржат јод, кои се одговорни за создавање и производство на хормони кои го контролираат целото тело.
Според Американското здружение за здравје на тироидната жлезда, таа може да биде или премногу активна или недоволно активна. Според статистичките податоци, жените имаат многу поголем ризик да заболат од болести на тироидната жлезда отколку мажите.
Сува, груба или кршлива коса може да укаже на нарушување на тироидната жлезда или хипотироидизам. Од друга страна, хипертироидизмот може да предизвика косата да стане премногу мека.
Експертите го објаснуваат тоа со фактот дека хормоните Т3 и Т4 имаат влијание врз здравјето и состојбата на косата. Кога нивоата на овие хормони паѓаат надвор од нормалниот опсег, тоа влијае на развојот на нова коса во коренот на фоликулите на косата кои се поврзани со крвните садови.
Доколку тироидната жлезда не функционира правилно, оваа врска се ослабува, а со тоа и косата го губи својот квалитет. Прекумерното и брзо опаѓање на косата на одредени делови од скалпот може да укаже и на проблеми со хормоните.
Покрај промените видливи на косата, симптоми кои исто така може да укажуваат на дисфункција на тироидната жлезда се промени во енергијата и расположението, нервоза, несоница, промени во апетитот, намалено либидо, ослабен менструален циклус, сува кожа, неправилно функционирање на цревата, метаболички нарушувања…
Доколку забележите некој од симптомите кај себе, не ја одложувајте посетата на ендокринолог.
