Каша од киноа и овошје за слабеење и здравје – рецепт за појадок кој го забрзува метаболизмот и го поттикнува варењето!
Киноата се смета за една од најздравите житарки бидејќи е полна со здрави минерали и витамини. Содржи мононезаситени масти (олеинска киселина и омега 3) кои се добри за здравјето на срцето, антиоксиданси, минерали како што се манган, магнезиум, железо, фосфор, калиум, калциум, цинк, бакар и селен.
Исто така богата е со витамини Б1, Б2, Б3, Б6, Б9, Е и содржи влакна. Покрај тоа што има корисен ефект врз здравјето, киноата е совршена и за слабеење.
Богата е со влакна што ја прави одлична за варење и забрзување на метаболизмот. Во комбинација со овошје, кашата од киноа е добар избор за диета и детоксикација.
Еве рецепт за вкусна и едноставна каша од киноа
Состојки:
- 1 чаша млеко со малку маснотии (може да биде растително)
- 1 шолја вода
- 3 шолји киноа
- 4 чаши излупени и исечкани јаболка
- 1/3 чаша семки од калинка
- 4-5 бадеми
- 1 орев
- лажичка цимет во прав
- стевиа
Подготовка:
Исплакнете ја киноата со вода. Во тенџерето додадете вода и киноа и оставете да зоврие. Гответе на средна топлина и оставете да се готви околу 10 минути додека киноата не омекне.
Процедете ја киноата, па додадете ги млекото, јаболкото, калинката, бадемите, оревите и циметот во прав. Вратете на оган и варете уште 5 минути. Добро промешајте и послужете.
