Брашното делува како намирница која лесно се купува. Го носите во една од оние тешки торби дома од продавницата, а потоа го оставате во темниот агол на оставата, се додека не треба да се користи, нели?
Сите видови брашно се расипуваат со текот на времето, но привлекуваат и несакани суштества, како што се бумбарите, без разлика колку ви се чисти оставата и кујната.
Еве како да го спречите тоа:
Купете само онолку колку што ви треба
Да не ве залажува распродажбата – обидете се да купите брашно само онолку колку што мислите дека можете да го искористите во следните неколку недели. Брашното привлекува влага, што значи дека може прилично брзо да се расипе.
Ако можете, побарајте брашно за мерење, па ќе купите онолку колку што навистина ви треба.
Не чувајте брашно во хартиени кеси
Најлесен начин да го одржите брашното свежо и да спречите влегување на бубачки е да го складирате брашното во пластични или стаклени садови со херметички затворачи.
Складирањето во хартиени кеси лесно може да предизвика влага и на тој начин да доведе до расипување на брашното.
Чувајте го на темно и ладно место
Не оставајте го садот за брашно на светло место. Топлината и сончевата светлина може прерано да го расипат брашното. Наместо тоа, најдете место што е подалеку од шпорети и други жаришта во вашата кујна.
Замрзнете го
Ако ви се случи да купите повеќе брашно отколку што можете да го искористите за неколку недели, оставете место во вашиот фрижидер или замрзнувач. Не заборавајте претходно да го ставите во садови со херметички затворач. Брашното може да трае и до една година ако се чува на овој начин.
