Бојадисувањето на јајца за Велигден станува се попрактично и покреативно – пробајте го трикот со лимонтус за да добиете неверојатен дезен!
Како што се приближуваме до Велигден, најсреќниот христијански празник, почнуваме да истражуваме креативни и практични начини за украсување и бојадисување јајца.
Доколку сакате јајцата во велигденската корпа оваа година да бидат уникатни и да имаат посебен дезен, а сакате да избегнете неред и да заштедите време – овој трик навистина ќе ви се допадне.
Потребно е во водата на собна температура да истурите полна лажица лимонтус (лимонска киселина). Убаво промешајте, па водата ставете ја во сад за готвење и додадете 7 бели јајца. Јајцата ставете ги на средна температура да се варат, а кога водата ќе зоврие варете уште 10 минути.
Изматете ја саканата боја на јајцето во чаша вода и додадете една лажица алкохолен оцет. Промешајте да се соедини, па додадете едно јајце. Со лажица вадете ги и ставајте ги јајцата во бојата, преливајте ги со боја – додека не ја добиете нијансата што ја сакате.
Виолетова боја на јајце можете да добиете и на природен начин – со бојадисување јајца со боровинки или црвена зелка. Извадете го јајцето од бојата на салфетка да се исуши.
По 5 минути ќе добие песоклив изглед поради лимонската киселина, дезенот ќе ве изненади. Ако ја примените оваа техника, не мора да ги декорирате јајцата, бидејќи тие навистина ќе бидат уникатно украсени.
Јајцата премачкајте ги со масло и наредете ги во велигденска корпа. Коментарите на интернет за оваа декорација се позитивни и многумина се воодушевени што на едноставен начин и без неред, можете да добиете убава нијанса и дезен на велигденските јајца.
