Фенг шуи растение за привлекување среќа, пари и добри вести – егзотична кливија!
Растенијата внесуваат посебна енергија во просторот, која ја знаат сите што ги негуваат, но некои се истакнуваат и по своите фенг шуи својства. Едно од нив е кливијата – домашно растение со месести и големи зелени листови и магичен цвет, обично портокалов.
Цвета еднаш годишно, најчесто во пролет, а цветот му е во форма на труба што му дава на растението посебна егзотична убавина. Кога ќе процвета, тоа симболично значи дека наскоро ќе дојдат добри вести во вашата куќа.
Меѓутоа, за да може кливијата воопшто да процвета, потребна и е соодветна грижа. Ја претпочита северната страна од куќата и никогаш не треба да биде изложена на силна сончева светлина.
Таа претпочита собна температура, а во зима не треба да се чува на температура пониска од 10 степени. Растението се полева по потреба, воопшто не бара многу грижа.
Во зима се полева на околу 20 дена, додека во лето и пролет треба почесто да се полева. Се храни со течно ѓубриво од март до септември, како и во февруари кога се формираат цветните пупки.
Младите кливии се пресадуваат секоја година во пролет кога почнуваат да цветаат во поголема саксија. Кливијата може да се размножува со делење на големи растенија, односно со одвојување на ластарите по цветањето, а може да се размножува и со семиња.
Кливијата го зазема своето место во источната филозофија на фенг шуи. Нејзината аура се смета за скапоцена и посебна и зрачи со неверојатна енергија. Постојат одредени фенг шуи правила за ова среќно растение:
Кливијата не треба да се става во спалната соба, силната енергија на цветот може да влијае на соништата и да предизвика несоница. Растението е идеална опција за уредување на дневната соба и канцеларијата.
Во овие простории, тоа ќе има корисен ефект врз животната средина и ќе ја елиминира негативноста. И ако ставите неколку парички во нејзината саксија, тоа може да привлече просперитет во куќата и да ја подобри благосостојбата на семејството.
Ако цветот престане да цвета или одеднаш се исуши, според фенг шуи, тоа може да укаже на трошоци, негативни промени и загуби.
