Молитвата што се кажува на Крстовден – обичај на големиот празник!
На 27 септември православните верници го слават вториот по ред Крстовден во годината, а првиот се слави на 18 јануари. Вообичаено е на овој ден да се пости на вода, да се јаде грозје за среќа и успех, а денот да се помине во молитва.
За Крстовден се чита акатистот на светиот крст, кој започнува со следните зборови: „Радувај се, Крсту, зашто на Тебе Христос, нашиот Бог, доброволно ги рашири рацете Свои и го оствари нашиот спас!“
Зборовите „Радувајте се!“ често се користат во молитвите, но што ни кажуваат тие? Дека е важно да се негува оптимизам и верба во спасението, но и дека има причина за радост во секој ден.
Здравје, љубов кон ближниот, нов ден, семејство, пријатели – секогаш има неколку причини за радост, па пораката на Крстовден е – Радувајте се! И денес е важно да се погледне во небото и да се заблагодариме за сето она што ни носи радост, но и за сите предизвици кои не зајакнуваат.
Владиката Јеротиќ велел дека молитвата најпрво треба да започне со благодарност, затоа не заборавајте да се заблагодарите и да негувате добар дух денес.
За есенскиот празник Крстовден низ земјата се практикуваат различни обичаи, но молитвата е најважна. На овој празник се кажува молитвата кон чесниот крст:
„Слава, Господи, на Твојот свет крст!
Бог да воскресне, и Неговите непријатели да се распрснат, а оние што Го мразат да побегнат од Неговото Лице. Нека исчезнат како што исчезнува чадот, како што се топи восокот во огништето; па нека загинат ѓаволите пред лицето на оние кои Го љубат Бога и се засенуваат со знакот на крстот и кои радосно велат:
Радувај се, почитуван и животворен Крсту Господов, кој ги гониш ѓаволите со силата на нашиот Господ Исус Христос на тебе распнат , кој се спушти во пеколот и ја уништи ѓаволската сила, и кој ни те даде тебе, Својот Свет Крст, да го гониме секој противник.
О, преподобен и животворен Крсту Господов, помогни ни секогаш со светата Владетелка, Богородица Дева и со сите светители засекогаш. Амин“.
