Што да правиме кога ќе дојдат лоши денови во животот – мудрата приказна на отец Гојко Перовиќ ни кажува дека промените секогаш не чекаат!
Многу луѓе го споредуваат животот со тобоганот – понекогаш сте на врвот, а понекогаш се чувствувате како да сте го допреле дното. Како што денот и ноќта, годишните времиња, светлината и темнината се менуваат во природата, така и работите брзо се менуваат во животот.
Кога доаѓаат тешки денови и се појавуваат предизвици, она што треба да го запомниме е дека сме имале многу такви денови, но повеќето поминале и продолживме понатаму.
Исто така, кога ќе се појави среќата во животот, не треба да ги заборавиме лекциите што ги научивме во тешките денови, како и благодарноста за ситниците. Бидејќи како што лошите денови можат да станат добри, така може да се појават некои нови пречки на патот на животот.
Токму за ова зборува приказната на свештеникот отец Гојко Перовиќ, која многумина ја споделуваат на социјалните мрежи:
„Еден човек му се пожали на свештеникот и му рече: „Оче, ние сме болни, ништо не ни оди, немаме работа, дома ситуацијата е никаква… кога ќе биде подобро?“
Свештеникот му рекол да напише на парче хартија „ЌЕ ПОМИНЕ“ и да го закачи на вратата. Дека секој ден кога ќе стане да гледа во хартијата и да се потсетува дека ќе помине.
После една година човекот дошол кај свештеникот и му рекол : Фала богу сите сме здрави, се вработивме, пари имаме, супер ни оди итн.. Свештеникот му рекол одлично, само не го тргај тоа од вратата“.
Сведоци сме дека се во животот се менува и поминува, но важно е да останеме позитивни, дека и во деновите кога мислиме дека се е наопаку, треба да го зачуваме оптимизмот.
Добрите и лошите денови ќе поминат, но важно е да ја задржиме љубовта, вербата и надежта во нашите срца – мисијата дека во тој момент од животот сме токму онаму каде што треба да бидеме.
