Нема ништо подобро од чист дом, и сите знаеме дека бањата е најтешката просторија за чистење. Беспрекорниот изглед на бањата бара многу напор, а чистењето сигурно не е вашата омилена активност.
Денес ќе ви покажеме неколку паметни трикови кои чистењето ќе го направат како детска игра, а резултатите се гарантирано дека ќе бидат одлични и тоа само со помош на малку оцет или сок од лимон!
Исчистете ги цевките со истурање на половина чаша сода, а потоа чаша топол сок од лимон. По неколку минути исплакнете со топла вода.
Заблескајте ја славината за бања така што ќе натопите хартија од кујнска ролна во оцет и ќе ја завиткате околу 30-40 минути. После тоа површината ќе биде сјајна и без дамки.
Направете раствор за чистење огледало со мешање на еднакви делови оцет и вода. Можете исто така да додадете капка од вашето омилено ароматично масло за повеќе свежина.
Отстранете ја ‘рѓата од различни места во бањата со помош на лимон. Исечете го лимонот на половина и натопете еден дел во кујнска сол, а потоа истријте ја проблематичната област.
Исчистете ја тоалетната школка со сода бикарбона и оцет. Истурете сода на внатрешните агли на тоалетот, а потоа истурете чаша оцет. Темелно исчистете со тоалетна четка и исплакнете со вода.
Исчистете ги плочките во бањата користејќи ја следнава смеса – 1 ⅔ чаша сода, 1 ½ чаша течен сапун, 1 ½ чаша вода, 2 лажици оцет. Измешајте се добро и со оваа смеса и со сунѓер исчистете ги плочките.
