Направете го овој колач утре и среќата ќе ве следи цела година – еве каков колач се прави за Петровден!
На 12 јули православните верници го слават Петровден, празник посветен на светите апостоли Петар и Павле. Уште од нашите предци сме наследиле разни обичаи и верувања поврзани со овој празник, а еден од нив е обичајот со јаболка.
На празникот се подаруваат јаболка, а се верува дека за среќа треба да подготвите колач, односно пита со јаболка наречена Петровка и тоа исклучиво од јаболка од родот наречен петровки, кои зреат баш околу периодот за празникот.
Според верувањето, овој колач носи здравје, мир и среќа во домот низ целата година, па затоа секој треба да изеде барем едно парче. Во продолжение е рецептот за овој колач:
Состојки:
- 1 кг јаболка
- 1 шолја масло
- 1 шолја гриз
- 6 лажици шеќер (може и кафеав)
- кори за пита (може да се користат и од хељда)
- цимет
- 1 кг јаболка
- грст ореви
Подготовка:
Излупете ги и изрендајте ги јаболката. Секој пат земајте по 3 кори. Секоја кора попрскајте ја со масло и посипете со малку шеќер, а на третата кора истурете рендани јаболка, повторно малку масло, цимет, две лажици гриз и додадете малку ореви.
Виткајте ги корите во ролат, па ставете ги на плех обложен со хартија за печење. Ако не сакате, не мора да виткате во ролат, туку само да ги редите една врз друга.
Потоа со нож се сече на парчиња, се премачкува со масло и се пече на 220 степени. Добиениот колач можете да го посипете со шеќер во прав. Добар апетит!
