Мека и вкусна торта со јаболка која лесно се прави, а сигурно нема да можете да застанете на само едно парче
Едноставен колач со јаболка кој можете да го направите без премногу мака, а е совршено вкусен. Ќе им успее и на оние кои немаат големо искуство во кујната, а сигурно сите ќе побараат парче повеќе.
Потребни состојки:
- 3 јајца
- 75 гр шеќер
- 1 ванилин шеќер
- 1/2 лажичка прашок за пециво
- 150 гр брашно
- 100 гр стопен путер
- 3 јаболка
- шеќер во прав за посипување
Подготовка:
Во сад изматете ги јајцата со шеќерот и ванилиниот шеќер. Прашокот за пециво измешајте го со брашното и постепено додавајте го во јајцата. Цело време матете. Потоа додадете го растопениот путер и исто така измешајте го.
Излупете ги јаболката и исечете ги на коцки. Подмачкајте го калапот и ставете ги јаболката (по желба посипете ги со шеќер или цимет. Истурете го тестото врз јаболката, израмнете ги.
Печете во загреана рерна на 180°C 30-45 минути (времето на печење може да варира, направете проба со чепкалка за заби пред да ја извадите тортата од рерна. Готовиот колач посипете го со шеќер во прав.
Погледнете како изгледа детално постапката на подготовка на колачот со јаболка подолу во видеото. Добар апетит!
