Секој од нас понекогаш мора засекогаш да се збогува со омилената облека поради некоја мала дамка која не сака да излезе на кој било начин. Но, денес се се смени! Со овие корисни совети ќе се ослободите од разните дамки кои ви ја уништуваат облеката.
Тие ќе ви помогнат да ја одржите облеката чиста и да уживате во неа уште долго време. Како да ги отстраните тврдоглавите дамки од облеката?
Детергент за миење садови
Уживате во сладоледот, но тој почнува да се топи и одеднаш забележувате дамка на вашиот нов фустан. Нема потреба повеќе да се грижите бидејќи дамката може многу лесно да се отстрани. Само натопете ја облеката во ладна вода, оставете да се впие 10 минути, додадете малку детергент за миење садови, а потоа само исплакнете.
Амонијак алкохол
По прошетка во природа, на вашата облека може да се појават дамки од што ли уште не. Мрсната дамка, на пример, цел живот ќе ве потсетува на раженчето што сте го јаделе надвор. Ако е се уште свежа дамката, можете да ја протриете со сол, тоа ја обезмастува ткаенината. За повеќе тврдоглави дамки, не заборавајте да користите амонијак алкохол.
Аспирин
Дали има дамки од жолта пот на вашата бела облека? Отстранете ги со аспирин! Ставете 4 смачкани таблети во чаша топла вода. Истурете го растворот на дамките и оставете на облеката 2 часа и исплакнете. Од жолтите дамки нема да има ни трага.
Млеко
Ако измешате 1 литар млеко со 2 лажици сок од лимон, ќе добиете одличен лек со кој ќе се ослободите од дамките од јагоди еднаш засекогаш. Оставете ја облеката во растворот 2 часа, а потоа исплакнете. После тоа, изперете ја облеката со прашок за перење и … Дамката ја нема!
