Обичаи за Петровден – празник на радоста, мирот и љубовта, еве што треба да направите!
Православните верници утре, на 12 јули, го слават Петровден, ден посветен на светите апостоли Петар и Павле. Ова е празник на радоста, љубовта, заедништвото и верата – ден кој е поврзан и со убави обичаи поврзани со децата и семејството.
Свети апостол Петар се смета за еден од најважните проповедници на христијанството. Според светите списи и верувањето, Исус Христос му ги дал клучевите на небесното царство.
Исто така, се верува дека Свети Петар го чува столбот на кој се наоѓаат Земјата, небесната слама (Млечниот пат) и небесниот крст (соѕвездието Лебед).
Петар на грчки значи карпа. Светиот апостол Павле најпрвин бил фарисеј кој ги прогонувал христијаните, а според Светото писмо подоцна на чудесен начин се преобратил во христијанството.
На Петровден завршува Петровденскиот пост и се јаде мрсна храна. Верниците кои постеле на овој ден можат да пристапат до Светата Тајна Причест.
Еден од обичаите што е зачуван уште од старите времиња, а е поврзан со овој празник е берењето цвеќе. Ноќта пред празникот, најстариот член на семејството треба да набере онолку цветови од јаглика (петровец) колку што има членови на семејството.
Јагликите треба да се закопаат во земја на едно место, а наутро ако се свежи и не овенати – тоа е добар знак. Во некои делови кај нас на Петровден се палат исушени кори од бреза или цреша. Се веруваше дека овој оган носи добро здравје.
Друг стар и интересен обичај е садењето пченица на Иванден, за на Петровден девојката да може да си го предвиди љубовниот пат. Ако пченицата пукне и нејзините никулци се свиткаат во облик на прстен, тоа би значело дека таа наскоро ќе ја запознае својата љубов.
На Петровден не се врши тешка физичка работа, туку денот се поминува во мир, молитва, љубов и радост. Јаболката уште од античко време се симбол на Петровден – тие претставуваат мир и хармонија меѓу луѓето.
Затоа на овој празник се подаруваат јаболка на децата, пријателите, соседите и најблиските, а се прави и колач наречен „петровка“. Во подготовката на оваа торта заедно можат да учествуваат родителите и децата.
