Покрај тоа што ги одбива комарците со својот мирис, темјаниката многу лесно се одгледува
Темјаника или „Света Петка“ како што популарно го нарекуваат во некои делови е едно од повеќегодишните растенија чие садење започнува во април.
Потребна е почва што добро ја спроведува водата, па при садење во саксија задолжително е да се стават камчиња на дното.
Ова растение сака топлина и сонце, иако не треба да биде изложено на силна сончева светлина. Во некои случаи, успева на посвежи и засенчени места во градината или на балконот.
Доколку се одлучите да го одгледувате во стан, важно е да не биде изложен на директна сончева светлина во текот на топлите летни денови. Поради силниот мирис на темјаниката, ова растение е идеално за одбивање на комарци и слични инсекти.
Темјаниката може да порасне и до еден метар, а доколку правилно го негувате, со години ќе имате прекрасна миризлива декорација во вашиот дом, градина или тераса.
Повремено кубете ги листовите за да бидат збиени, бидејќи така грмушката убаво ќе порасне на страна, а не само во висина.
Во лето полевајте го секогаш кога ќе забележите дека почвата на врвот е сува, а во зимските денови не претерувајте со полевањето, туку само повремено додавајте вода. Многу е важно темјаниката да не се исуши, затоа често проверувајте ја почвата.
Темјаниката цвета со спорадични цветови со бела или нежно сина боја, кои се групирани во соцвети. Кога ќе заврши сезоната на цветање, исечете ги пренадуваните гранчиња.
