Како читањето лоши вести влијае на менталното здравје – постојаната апсорпција на такви информации има негативно влијание врз психата и енергијата!
Одлично и неопходно е да се биде информиран, но не сме свесни дека читањето негативни и лоши вести има силно влијание врз нашето ментално здравје.
Додека гледате во социјалните мрежи и барате вести на порталите, невозможно е да се отфрлат лошите вести, а тоа може да ви ја загрози енергијата, да ви го расипе расположението, па дури и да го оштети вашето здравје на долг рок.
Се што читате, што ве вознемирува, ве разочарува, ве нервира и носи наплив на негативност, ви пренесува негативна енергија – во вашите мисли и тело. Тоа може негативно да влијае на концентрацијата, креативноста, физичката издржливост, па дури и на имунитетот.
Ако некое лице гледа лоши вести наутро, тоа може да доведе до чувство на преоптоварување во текот на денот. Ако прочитате нешто непријатно пред спиење, се зголемува ризикот од несоница.
Луѓето кои читаат негативни вести секој ден долго време може да имаат зголемен ризик од анксиозност и депресија. Затоа, кога ќе бидете информирани, внимателно дозирајте ги ваквите вести и информации.
Ако често посетувате информативни страници кои често содржат материјали за проблеми во земјата и светот, црна хроника, тогаш подобро е да избегнувате да ги користите кога сте вознемирени, нервозни, склони кон негативно расположение.
Најдобро е да добивате информации во средината на денот кога веќе сте ги завршиле повеќето од задачите, а сепак мозокот не ви е преоптоварен како на крајот од денот и можете да ги примате сите тие информации.
Посебно внимание треба да посветите на социјалните мрежи. Следете ги оние страници и профили кои ве прават среќни, ви носат среќа и ве релаксираат.
Погрижете се додека разгледувате да наидете на нешто добро, убаво и едукативно. Искористете го Интернетот на најдобар можен начин.
