Лекарите велат дека најдобро е да се јаде сезонска храна – сега е време за тикви, кралица на есенската трпеза. Ви пренесуваме рецепт за здрави мафини без шеќер и маснотии.
Есента е времето кое сакаме да го поминуваме сместени во куќата, пиејќи чај и читајќи ја нашата омилена книга. Кога надвор е ладно и тмурно, нема ништо поубаво од попладне поминато со саканите, со здрави слатки кои сами сте ги направиле и сте ја наполниле цела куќа со мириси.
Ви предлагаме да направите здрави мафини со тиква, кралицата на есенската трпеза. Тиквата е нискокалорична и многу здрава храна. Полна е со влакна, бета-каротин, содржи витамини Ц, Б1, Б2, Б3, Б6.
Има и фолна киселина и минерали (калиум, калциум, железо и фосфор). Доколку сте веган или постите, млекото и јогуртот можете да ги замените со производи од растителна основа.
Дополнителен плус на овој рецепт е тоа што не се додава маснотии, масло или путер, а не се додава вештачки шеќер.
Состојки:
- 200 гр крупно изрендана тиква
- 2 лажички мелен цимет
- ½ лажичка мелен ѓумбир
- 175 гр густ јогурт
- 2 јајца
- 125 мл млеко (може да биде и растително)
- 1 лажица мед
- 175 гр интегрално брашно
- 1 ½ лажичка прашок за пециво
- 25 гр сечкани ореви
Подготовка:
Обарете ја тиквата кратко и процедете ја. Додадете јогурт, јајца, млеко, јогурт и мед, а потоа брашно, прашок за пециво, зачини и јаткасти плодови.
Во калапот за мафини ставете хартиени корпи или секоја калап премачкајте го со масло. Се пече во загреана рерна на 200 степени околу 20-25 минути додека не поруменат.
