Во текстот во продолжение ќе ви откриеме како да ја зготвите најубавата пченка.
Варената пченка за многумина во овој период од годината е омилена храна за грицкање, а сега е најдобро време за неа бидејќи е млада и најслатка. Сепак, за целосно да уживате во неа, потребно е да се готви правилно.
Младата пченка се готви многу брзо, за не повеќе од 20 минути, но важно е да го вклучите шпоретот на најсилното поставување.
Она што многу луѓе го прават погрешно е што при готвењето додаваат сол во водата, што ги прави зрната потврди, а со тоа го продолжува времето на термичка обработка. Посолете ја пченката кога е готова.
Кога ја подготвувате пченката за готвење, не ги лупете сите листови, оставете барем два да ја покријат. Останатите листови наредете ги на дното од тенџерето, ставете ја пченката, а одозгора ставете ги останатите листови.
На овој начин создавате „изолација“ и кочаните побрзо ќе се сварат, а ќе имаат и посебен вкус. Откако ќе се свари, оставете ја во водата, не вадете ја затоа што ќе се исуши на воздух.
Можете исто така да замрзнете свежа пченка и да ја готвите во текот на зимата. Постапката е иста како кога се готви свежо.
