Доколку немате многу време да подготвите оброк, тестенините се одличен избор. Збогатете ги со сезонски зеленчук, како тиквички, а посебен вкус ќе даде и сланината. Може да се направи и во вегански варијанти без месо и со растително сирење.
Пролетта пристигна на големо, што значи богата понуда на пазарите! Пристигнува сезонска храна и тоа е она што лекарите препорачуваат да се јаде – храна која успева во климата во која живеете.
Зеленчукот особено се препорачува бидејќи е богат со витамини, минерали и растителни влакна. Ако сакате тиквички, еве една идеја за лесен ручек кој нема да одземе многу време, а на сите ќе им се допадне.
Се работи за тестенини! Можете да ги направите класично, со павлака и сланина или во веганска варијанта со растително сирење. Изборот е ваш!
Потребни состојки:
- 200 гр тестенини по желба
- 500 гр тиквички
- 30-50 гр тврдо сирење (може да биде и растително сирење)
- 240 мл павлака за готвење
- 1 чешне лук
- оригано, сол и бибер
- масло
- 40 гр сечкана сланина (може и без сланина)
Начин на подготовка:
Ставете ги тестенините во зовриена и посолена вода и оставете ги да се сварат според упатството на кесичката. Просекот е 8-10 минути. Во меѓувреме изрендајте ги тиквичките и посолете ги и промешајте.
Во тавче пропржете ја сечканата сланина додека не порумени, а потоа оставете ја на страна, на хартиена крпа да се исцеди вишокот маснотии. Во тавата сипете ги ренданите тиквички, додајте ги зачините и пржете околу 5 минути.
Се додаваат павлаката, сланината, ориганото, сечканиот лук и се пропржува уште малку, па се трга од оган. Процедената паста додадете ја во сосот од зеленчук и изрендајте го кашкавалот. Сè добро измешајте, па послужете додека е топло.
Деталната подготовка погледнете ја во видеото подолу:
@smittenkitchen Zucchini Butter Spaghetti on smittenkitchen.com, my new favorite summer dish. Linked in profile!
