Колку пати сте ја слушнале фразата „Не можам да функционирам нормално ако не сум пил/а кафе“? Па, се препознаваме до болка во оваа изјава …
Ах, овој спасоносен еликсир, без кој не можеме да започнеме понеделник, нашето најсилно оружје и најголема слабост! Но, мора да признаеме: има разлика помеѓу една чаша и еден литар дневно, нели?
Прочитајте подолу како вашето тело сигнализира дека треба да ја намалите дневната доза на кофеин.
Сакаме да ви објасниме дека не ве поттикнуваме манијакално да ја мерите вашата дневна доза, туку да бидете внимателни. Кафето има многу корисни својства, но прекумерното консумирање може да ви наштети.
Премногу сте нервозни
Кафето го стимулира нервниот систем и го зголемува крвниот притисок.
Прекумерното консумирање доведува до потреси и чести промени на расположението. Совет: Попладневното кафе заменете го со шолја чај.
Немирен сон
Кафето може да го збуни вашиот биолошки часовник.
Ако напорно заспивате и се будите уморни, можеби е време да размислите за промени. Совет: Воздржете се од кафе после 16 часот.
Исцрпеност ве зафаќа на сред ден
Ако претерате со кофеинот, вашето тело ќе почне да ви испраќа сигнали дека е прерано исцрпено.
Со други зборови, ако одеднаш се чувствувате уморни и немате сила да ги завршите вашите задачи, а времето е едвај 1 попладне, можеби е време да го намалите кофеинот. Препорачаната дневна доза е 4 шолји кафе дневно.
Совет: Хранете се здраво. Добро балансирана исхрана ќе ве наполни со енергија и ќе ви помогне да ја контролирате желбата за кафе.
