Чајот од јасмин е можеби еден од највкусните чаеви, неговата прекрасна арома е една од причините зошто се одлучуваме за овој пијалок.
Чајот од јасмин обично се базира на зелен чај, затоа обезбедува здравствени придобивки што би ги добиле доколку пиете зелен чај. По потекло е од Кина, а се верува дека во Европа пристигнал во 16 век.
Придобивките од чајот од јасмин
Антиоксиданси
Чајот од јасмин е богат со моќни билни соединенија познати како полифеноли. Тие дејствуваат како антиоксиданти во вашето тело и ги штитат клетките од оштетување на слободните радикали.
Студиите го поврзуваат оштетувањето на слободните радикали со срцеви заболувања. Чајот од јасмин направен од зелен чај содржи многу полифеноли наречени катехини.
Еден особено моќен катехин во зелениот чај е епигалокатехин, кој е поврзан со многу придобивки, вклучувајќи губење на тежината и подобрена контрола на шеќерот во крвта, како и здравјето на срцето.
Помага при губење на тежината
Пиењето чај од јасмин може да ви помогне да изгубите тежина со забрзување на метаболизмот.
Го штити вашето срце
Чајот од јасмин содржи многу полифеноли, кои можат да помогнат во заштитата од срцеви заболувања.
Може да ја подобри функцијата на мозокот
Чајот од јасмин има неколку својства кои можат да помогнат во зајакнувањето на мозочните функции. За почеток, содржи 15-60 мг кофеин по чаша.
Кофеинот го стимулира вашиот нервен систем со блокирање на инхибиторниот невротрансмитер аденозин – хемикалија која пренесува сигнали помеѓу мозокот и телото.
Покрај тоа, кофеинот ја подобрува мозочната активност и помага да се ослободат други невротрансмитери за подобрување на расположението, како што се допамин и серотонин, пишува Healthline.
