Некои намирници се најздрави доколку се земаат на празен стомак. Познато е дека појадокот е најважниот оброк во текот на денот, а храната треба внимателно да се избира при нејзината подготовка.
Сепак, постојат и оние намирници кои може да се консумираат пред појадок, доколку не пристигнете на време за да јадете. Иако се здрави за јадење во текот на денот, ваквите намирници ќе имаат најголем ефект врз организмот доколку се земаат на празен стомак.
Нутриционистот д-р Рупали Дата за „Food NDTV“ составил листа на намирници кои се најдобриот можен избор за почетокот на денот, а од таа листа издвојуваме три намирници.
Мед и топла вода
Овој напиток го подобрува варењето и поволно делува на имунолошкиот систем, а кога се пие на празен стомак ќе влијае и на метаболизмот.
Доколку на овој напиток додадете малку лимон, поради малиот број калории, тој ќе биде идеален за сите кои сакаат да ја регулираат својата тежина, а ќе обезбеди и енергија и детоксикација.
Бадеми
Овие јатки се богати со најважните витамини и минерали, а д-р Дата смета дека е многу пожелно да се јадат 5 до 10 бадеми на празен стомак. Оваа количина ќе обезбеди изобилство на хранливи материи и гладот нема да се појавува често во текот на денот.
Исто така, се препорачува бадемите да се потопуваат во вода пред јадење да отстојат, бидејќи таквите бадеми ќе имаат уште посилна моќ.
Имено, кората на овие јатки содржи танин, кој ја подобрува апсорпцијата на хранливите материи, а кога кората од бадемот е добро натопена, хранливите материи полесно се ослободуваат.
Урми
Урмите се едно од најздравите овошја во светот. Тие се одличен извор на енергија потребна за почеток на денот, а д-р Дата додава дека урмите се полни со растворливи влакна кои силно и многу поволно делуваат на дигестивниот тракт.
Урмите треба да ги јадете на празен стомак доколку имате проблеми со запек, а благодарение на калиумот во нив можат да помогнат и при дијареа и стомачни болки.
