Нашата православна црква денес го слави празникот посветен на Светиот пророк Агеј, еден од првите тројца пророци во христијанството чие име значи мој празник.
Според легендата, Светиот пророк Агеј бил првиот од тројцата пророци покрај Захарија, неговиот современик, и Малахија, кој живеел околу сто години подоцна. Агеј потекнувал од племето Леви и живеел во 5 век п.н.е за време на ропството на Евреите.
Работел на реставрација на Соломоновиот храм во Ерусалим, но неколку пати бил прекинуван од Самарјаните. Меѓутоа, Агеј не се откажал, а Зоровавел и свештеникот Исус му помогнале во работата.
Така доживеал да види изграден еден дел од храмот. Останало запаметено дека Агеј за оваа градба прорекол: „Славата на домот на вториот ќе биде поголема од онаа на првиот, вели Господ над војската“.
Изградбата на Соломоновиот храм го охрабри еврејскиот народ и му даде поттик да се ослободат од ропството. Според преданието, светиот пророк Агеј умрел во длабока старост.
Освен денеска, православните христијани се сеќаваат на Агеј заедно со другите старозаветни пророци, во неделата на Светите Отци (неделата пред Божиќ). Овој старозаветен пророк и денес многумина го почитуваат.
Легендата вели дека неговиот празник е добар ден за гатање и прорекување – без разлика дали со читање од дланка, гледање во грав, листови од чај, кафе или карти.
Исто така, се верува дека на помош ќе им дојде и на сите кои искрено и со душата се молат во името на овој Свет Пророк: „Господе, го славиме споменот на твојот пророк Агеј, затоа Те молиме спаси ги нашите души“.
