Рецепт за антистрес чај - напиток кој смирува и промовира здравје!
Мајоранот е ароматично зачинско растение од Блискиот Исток, а неговата употреба во кујната е разновидна – се користи како зачин во супи, додаток на масни јадења, тестенини и готвена храна.
Покрај интензивен вкус, мајоранот има и лековито дејство, бидејќи неговите листови содржат моќно етерично масло, а чајот од мајоран е природен лек кој со векови се користи во служба на здравјето.
Мајоранот е исклучително богат со витамин А, содржи калциум и железо. Поради присуството на голем број ензими во ова растение, мајоранот е одлично средство за смирување на желудникот, спречување на цревни инфекции, запек или дијареа и надуеност.
Поради своето антигабично, антибактериско и антисептично дејство, се користи и за зајакнување на имунитетот и спречување на инфекции и настинки. Етеричното масло од мајоран се користи за подобрување на кардиоваскуларното здравје бидејќи позитивно влијае на циркулацијата на крвта.
Ова корисно растение има антиинфламаторно дејство и може да помогне во спречување на болки, како што се мигрена, болки во грбот, зглобовите и мускулите.
Друга предност на чајот од мајоран е ослободување од стрес и смирување на емоционалните реакции. Помага при нервоза и го подобрува расположението, а можете да го користите и за ублажување на симптомите на ПМС.
Рецепт за чај за смирување и добро варење од мајоран
1-2 лажички мајоран прелијте ги со 2,5 дл зовриена вода, оставете да отстои малку, максимум 5 минути. После тоа, треба да го исцедите пијалокот. Дозволени се најмногу две шолји дневно. Чајот можете да го засладите со малку мед.
