Рецепт за грчка пита со тиквички – лесно се прави, а најдобро е да се јаде со кисела павлака додека е уште топла!
Aко сакате да јадете тиквички , не треба само да ги пржите или поховате, питата направена од оваа омилена летна храна е феноменална. Лесно се подготвува и не ви се потребни кори, а посебна сочност и дава грчкиот јогурт.
Лесно се подготвува по традиционален грчки рецепт, а кога ќе ја послужите топла, одозгора можете да додадете една лажица кисела павлака или парчиња домати.
Заситен појадок, вечера или мезе кое вашето семејство повторно ќе го побара. Една од состојките е фета, а по желба и вкус можете да додадете козјо сирење како опција.
Потребни состојки:
- кромид
- 1/2 чаша маслиново масло
- 4 тиквички
- млад кромид
- неколку листови свежо нане
- 4 јајца
- 1 чаша грчки јогурт
- 300 гр брашно
- 1 лажичка прашок за пециво
- 200 гр фета сирење
- 100 гр козјо сирење (по избор)
- павлака, домати (по избор)
Начин на подготовка:
Кромидот и маслиновото масло ставете ги во блендер и матете додека не добиете единствена смеса. Тиквичките се рендаат, па се додаваат исечканиот млад кромид, изматените јајца, нането, јогуртот, брашното, фетата, сирењето, прашокот за пециво и козјото сирење по желба.
Се убаво измешајте за да се соедини смесата. Потоа во смесата со тиквички додадете ја првата смеса од кромид и маслиново масло.
Намачкајте плех со маслиново масло, па рамномерно распоредете ја смесата за пита. Врз неа прелијте уште малку маслиново масло. Се пече во рерна на 180 степени околу 40 минути. Уживајте!
