Нема да престанеме да повторуваме дека мора да научиме да ги слушаме сигналите што ни ги испраќа нашето тело. Гладот за одредена храна може да биде повеќе од минлив каприц на телото. Ова е знак дека му недостасува нешто важно.
Ако во овој случај чувствувате голема желба да јадете јајца – варени, пржени, омлет или на очи, најверојатно страдате од недостаток на витамин Б12.
Сите сме слушнале дека на нашето тело му се потребни витамини и минерали, но малкумина од нас се свесни за нивната важност. Б12 е единствениот витамин што содржи траги од елемент – кобалт, од каде доаѓа и неговото научно име: кобаламин. Бидејќи се произведува во дигестивниот систем на животните, тој е единствениот витамин што не можете да го добиете од растенијата и сонцето.
На човек му треба многу мала количина Б12 дневно (2-4 микрограми), но исклучително е лесно да се добие недостаток на оваа хранлива материја. При мал недостаток, може да се дојде до анемични состојби, хроничен замор, депресија. Ова се должи на неговата клучна улога во производството на црвени крвни клетки (еритроцити), кои се одговорни за транспорт на кислород преку крвта до мускулите, другите ткива и органи.
Повеќето луѓе можат да спречат недостаток на витамин Б12 со конзумирање доволно месо, морска храна, млечни производи и јајца. Ако не консумирате производи од животинско потекло или имате болест што го ограничува Вашето тело оптимално да ги асимилира хранливите материи, експертите препорачуваат да земате Б12 преку житарици кои се збогатени со овој витамин.
