Истражувањата доведоа до заклучок дека две намирници можат да имаат значително влијание врз производството на канцероген во човечкото тело.
Германскиот научник и добитник на Нобеловата награда во областа на физиологијата, Харалд зур Хаузен, предупреди дека слабо проучен вирус, кој го има кај кравите, може да предизвика рак кај луѓето!
„Верувам дека домашните животни можат да бидат директни причинители за рак на дебелото црево кај луѓето. Имаме експериментални податоци за поддршка на оваа хипотеза. Сепак, ова, се разбира, треба дополнително да се потврди“, истакна Хаузен.
Други научници претходно предупредуваа дека употребата на црвено месо (говедско, телешко, коњско, овчо и свинско) го зголемува ризикот од добивање на колоректален карцином.
Но, Хаузен тврди дека опасноста доаѓа само со говедското месо, но и со, колку и да изгледа неверојатно, кравјото млеко.
„Традиционалното објаснување е поврзано со подготовката на месо за јадење на скара, па оттаму и тврдењата дека тоа води до формирање на канцероген.
„Оваа теза го губи од вид фактот дека истите канцерогени материи се формираат со пржење риба и пилешко и дека никој не мисли дека употребата на месо од пердувести животни и риби го зголемува ризикот од добивање рак на дебелото црево“, нагласува научникот.
Тој открива и дека во своето истражување посветил посебно внимание на фактот дека во Монголија се јаде многу црвено месо, а ракот на дебелото црево е исклучително редок, како и во Индија, каде всушност никогаш не се јаде говедско месо од религиозни причини.
Хаузен посочува и дека нивото на колоректален карцином нагло се зголемило по Втората светска војна. Тој е убеден дека тоа е најдиректно поврзано со тоа што увозното говедско месо станало популарно во тие земји.
Германскиот научник додава дека ракот на дојката е многу поретко застапен во споменатите азиски земји, бидејќи кравјото млеко и млечните производи минимално се користат во нивната исхрана.
Хаузен за International Journal of Cancer изјави дека проучувал примероци од крв и млеко од крави и во нив пронашол ДНК елементи кои би можеле да припаѓаат на непознат вирус, кој може да биде причина за рак.
