Нов трик за бојадисување на велигденски јајца во лушпи од кромид – додадете една намирница за понежна нијанса!
Боењето јајца во лушпи од кромид е стар и докажан начин да добиете убави нијанси на природен начин, но сега има нов трик кој ќе ја направи бојата уште помагична.
Додадете само уште една состојка во лушпите од кромидот – доколку сакате уникатна нијанса, тогаш овој трик е токму за вас.
За оваа техника на бојадисување на јајца за Велигден потребни ви се лушпи од кромид, оцет, но и една тајна состојка – а тоа е авокадо.
За да ги обоите јајцата со оваа техника, ќе ви бидат потребни лушпи од 6 главици црвен кромид и две авокадо. Одделете ги лушпите од кромидот и ставете ги во два литра вода.
Излупете го авокадото и кората исечкајте ја на ситно па измешајте ја со лушпите и водата. Авокадото може да се користи за подготовка на намази, за колач или некое друго омилено јадење со оваа храна.
Во водата додадете две лажици оцет и ставете ја на оган. Додека водата не зоврие, јајцата можете да ги украсите со листови од трева на традиционален начин. Натопете јајце, на него „залепете“ лист трева или цвет и ставете го во чорап или газа.
Кога водата ќе зоврие тргнете ја од оган, па во неа ставете ги внимателно јајцата да се варат. По околу 20 минути тргнете ги од оган и оставете ја водата од јајцата да се излади.
После тоа, внимателно извадете ги јајцата и уживајте во оригиналните шари. Целата процедура погледнете ја во видеото подолу!
@the_vintagearian Leave #🥑 or #🧅 if you like! #coloringeggs #avocado #eggdying #deiy #diy #happyeaster #lightacademia #howto #cottagecore #fyp #sustainableliving #🥚
