Испечете густа кора што наликува на леб и наредете ги состојките за пица, па печете.
Нема човек на светот кој не пробал пица или леб.Секоја земја има свој рецепт за приготвување на двете овие јадења, но најдобар начин да уживате во вкусот максимално е да ги комбинирате и да направите пица леб.
Комбинацијата од состојки ќе го воодушеви секој вистински љубител на тестото, а најчесто се јаде кога малку ќе се излади.
Одличен предлог е за ужина или вечера, а не се чека тестото да нарасне, само брзо замесете го и наредете ги останатите состојки. Уживајте!
Состојки:
- 2 чаши брашно
- 1,5 лажички прашок за пециво
- 1/2 лажичка сода бикарбона
- 1/2 лажичка сол
- 1 јајце
- 1 чаша млеко
- 1/4 чаша кисела павлака или јогурт
- 3 супени лажици маслиново масло
Уште:
- 2,5 чаши сечкано тврдо сирење
- 1/2 шолја сос од домати или пелат
- 1/4 црвен кромид
- 1/2 зелена пиперка
- 1/4 чаша сецкани маслинки
- 50 гр шунка по избор
Во сад измешајте брашно, прашок за пециво, сода бикарбона и сол. Добро измешајте, а во друг сад изматете ги јајцата, млекото, јогуртот и маслиновото масло. Соединете ги двете смеси и измешајте за да добиете тесто.
Додадете една шолја ситно сечкано сирење и добро измешајте со рацете. Намачкајте ја тавата со масло, па ставете хартија за печење, па истурете го тестото и убаво развлечете го.
Намачкајте сос од домати, па додајте сечкан виолетов кромид, бибер, маслинки и шунка. Печете во загреана рерна на 180°C околу 25 минути, потоа ставете алуминиумска фолија и печете уште 15 минути.
Се лади во тавата 10 минути, а потоа се отстранува и се лади уште 10 минути. Можете да посипете со оригано. Во видеото подолу е објаснета целата постапка детално. Добар апетит!
