Проучување посветено на „врзката“ помеѓу жените и нивните градници открива мала тајна – повеќето жени ги користат околу шест години пред конечно да „раскинат“ со нив, пишува „Daily Express“.
Истражувањето, нарачано од страна на синџирот Debenhams, исто така покажува дека речиси 10% од понежниот пол носат ист градник цела недела без да го исперат. Истиот процент од учесници во анкетата признаваат дека во фиоките за долна облека им се „кријат“ и градници од 11 годишна возраст.
Најстроги за овој тип долна облека се жените над 65 години од Северна Ирска – над 50% од нив ги менуваат градниците на секои два дена. Студијата открива и дека голем дел од понежниот пол се срамат при проба на градник. Исто така, излегува дека многу дами не се целосно свесни за големината на градникот.
„Шокантно е што милиони жени во Велика Британија се потпираат на истиот градник повеќе од 10 години. Со оглед на тоа што не би носеле ист пар чевли толку долго, зошто го прават тоа со градниците? “, вели експертот за долна облека Ализа Риџер.
Специјалистката потсетува дека со текот на времето женското тело се менува, а градникот, носен и испран безброј пати, ја губи својата еластичност. По 10 години употреба, ова парче долна облека за кое станува збор повеќе не е во состојба правилно да ги држи градите и може да предизвика увиснување, па дури и болка.
„Долната облека е основата на нашата облека за светот и важно е да ни биде прилагодена по мерка и да направи да се чувствуваме привлечно. Соодветниот градник го менува одењето, држењето на телото, па дури и начинот на кој зборуваме“, додава Ализа Риџер.
