Мари Кондо открива кои 4 работи треба веднаш да ги исфрлите од дома – ќе го ослободите домот од нередот и лошата енергија!
Најуредната Јапонка на светот, Мари Кондо, го развива својот принцип на средување на куќата, што воодушеви многу луѓе ширум светот. Кога ја чистите куќата на овој начин, не само што го ослободувате домот од ѓубре и неред, туку и го отворате просторот за добра енергија.
Волшебното чистење ќе ви помогне да привлечете среќа и да направите сите што живеат со вас под ист покрив да се чувствуваат подобро. Кога домот е уреден, енергијата во него е чиста и поволна.
Главниот принцип на средување на куќата според Мари Кондо е – Оставете ги во домот само оние работи кои ви служат и ви носат радост! Ако има работи кои ве нервираат или предизвикуваат непријатни спомени, не се функционални, не ги користете, мора без жалење да се ослободите од нив.
Ова е многу важен чекор од кој започнува трансформацијата на секој дом. Според методот Конмари, треба да ги исфрлите следниве 4 работи од дома – започнете со нив:
- се што е скршено
- празни шишиња, тегли и кутии
- носена и искината облека и обувки
- сето она на кое му истекол рокот на траење
Многу луѓе чистат само затоа што е неопходно, но чистењето е ритуал кој го чисти вашиот дом од негативност и создава пријатна атмосфера. Оние кои го следат советот на Мари Кондо тврдат дека чистењето често не е воопшто неопходно доколку просторот е правилно организиран.
Со методот Конмари, домот може да биде поуреден подолго отколку што мислевте – се е прашање на добра организација. Затоа, кога ќе се ослободите од непотребните работи, направете го следново:
Организирајте ги сите работи во вашата куќа. Обидете се да најдете место каде што тие секогаш ќе стојат. Ремени со ремени, кошули со кошули, садови со садови, зачини со зачини и така натаму.
Кога сè си има свое место, полесно ќе забележите присуство на нечистотија и прашина, бидејќи ќе има повеќе слободен простор во куќата. Ќе можете полесно и побрзо да чистите, а доколку работите си стојат на своето место, домот може да биде среден со месеци.
