Најдоброто растение што можете да го внесете во вашиот дом. Потос е тропска лоза која обично се одгледува како домашно растение. Одличен е поради лесното одржување и толеранцијата на услови на слаба осветленост.
Сепак, тој е многу повеќе од тоа – Ви претставуваме неколку факти поткрепени со истражување, кои го прават потосот магично растение кое секој треба да го има во својот дом.
1. Собно растение за прочистување на воздухот
Потосот е одличен за отстранување на испарливи органски соединенија и токсини од околниот воздух.
Според истражувањето на НАСА за чист воздух, растението ги отстранува загадувачите како што се бензен, толуен, формалдехид, јаглерод моноксид и ксилен од воздухот.
2. Ја зголемува влажноста
Влажниот воздух може да ве заштити од настинки и грип, бидејќи вирусите не можат лесно да се пренесат со влажен воздух, а ја одржуваат и вашата кожа хидрирана.
Додека сувиот воздух ги размножува алергиските реакции и загадувачите на воздухот, растението Потос ја зголемува влажноста (според експериментот на НАСА).
Сепак, не постои соодветно истражување кое би ни дало одговор колку од ова растенија треба да имаме во просторијата за да ја доведеме влажноста на оптимално ниво.
3. Смирувачки ефект
Студијата спроведена на 14 Јапонци откри дека допирањето на листовите од златниот потос има смирувачки ефект врз умот.
4. Апсорбира јаглерод диоксид и озон
Според малезиска студија, една од најдобрите здравствени придобивки од растението потос е апсорпцијата на јаглерод диоксид од просторијата.
Истражувањето на потосот нагласува дека ова растение може да апсорбира и озон, кој е вообичаен загадувач на воздухот во затворен простор.
5. Фенг шуи и Васту
Ако верувате во Фенг Шуи, тогаш според него има многу придобивки од ова растение. Експертите за фенг шуи го сметаат за моќно, енергично растение кое ја чисти негативната енергија.
Има смисла; на крајот на краиштата, ги отстранува загадувачите од воздухот. Се препорачува да го чувате растението во близина на Wi-Fi мрежа, ТВ, рутер или компјутер. Потенцијалните придобивки се намален стрес и подобрување на квалитетот на сонот.
Васту принципите веруваат дека ова растение носи среќа и позитивна енергија во домаќинствата. Следбениците на Васту не препорачуваат садење на потос во градината.
Ова скромно растение има многу необични имиња. Едно од нив е Ѓаволски бршлен затоа што е тешко да се уништи.
Покрај тоа, некои луѓе го сметаат за плевел. Исто така, во многу земји го нарекуваат и Паричка, поради верувањето дека ова растение привлекува пари и дека се додека е здраво и напредува, неговата енергија ќе се одразува на вашите финансии.
