Имаме совршен предлог за вечера. Доколку не знаете со кој здрав оброк да го завршите денот, имаме совршен предлог.
Сите нутриционисти се согласуваат дека последниот оброк во денот треба да биде лесен и полн со хранливи материи, а ние најдовме токму таков рецепт. Главната состојка е чиа семето, и оваа состојка е добра за нашето тело од неколку причини.
Богато е со омега-3 и омега-6 масни киселини, влакна, антиоксиданси, протеини, но и манган, магнезиум, фосфор и калциум. Сосема доволно причини за да стане дел од вашата исхрана.
Еве еден предлог на кој начин можете да подготвите вечера со чиа семе. Ќе ви требаат:
-
- 4 лажици чиа семе
- 2 банани
- 250 мл вода
- 250 мл млеко
- лажица мед
- малку цимет
Изгмечете ги бананите со вилушка, па измешајте со сите состојки. Оставете во фрижидер. Чиа семето ќе го направи своето и ќе го „згусне“ овој пудинг кој е лесен и идеален за вечера.
