Астролог открива за што треба да станеме свесни за време на полна месечина, односно кои неуспешни мисли и навики треба да ги исфрлиме од нашите животи за повеќе среќа!
Месечината во Девица е наспроти Сонцето во Риби, што значи дека ни претстои полна Месечина. Лунацијата се случува на 7 март во 13:40 часот во 16′ Девица.
Од една страна ги имаме правилата и плановите кои ги диктира Девицата, а од друга просторот на бесконечните можности, соништата и имагинацијата со кои нè воведува знакот Риби.
Акција, врска, ум vs. соништа, емоции, дух. Во себе ги усогласуваме очекувањата и барањата на материјалниот свет, обврските наметнати од секојдневниот живот, со духовниот дел од нас кој на едно ниво чувствува дека знаеме и можеме повеќе од она што моментално го имаме и живееме.
За да го постигнеме она што го сакаме во длабочините на нашата душа, прво да видиме што може да не ограничи во тоа, а оваа полна Месечина укажува на тоа:
– прекумерно размислување и грижа
Сè додека живееме во нашиот ум, кој постојано врти различни сценарија, премногу често такви што не се случиле, а се полни со стравови и грижи, тешко ни е да продолжиме понатаму. Затоа внимавајте сопствените мисли да не ве вовлечат во лавиринт од кој нема излез.
Не се поистоветувајте со вашите мисли. Опуштете се. Редовно практикувајте ја свеста. Заменете ги негативните мисли со позитивни. Можно е. Вашиот ум не е вашиот владетел. Вие сте личност со моќ.
– сè треба да биде совршено
И не мора. Ништо не мора да биде совршено. Кога ќе паднеме во замката на перфекционизмот, заглавуваме и нема пат напред. Да се греши е човечко.
Можеме многу да научиме од грешките. Помирете се со грешките од минатото, простете си. Колку помалку се плашиме од грешки, толку помалку грешки ќе правиме.
– одложување и избегнување
Често го одложуваме она што знаеме дека треба да го направиме и дека никој не може да го направи наместо нас, па дополнително се оптоваруваме. Избегнуваме соочување со неизбежното и се саботираме во остварувањето на нашите цели.
Наместо тоа, од ден на ден, правете го она што ќе ви го олесни функционирањето во секојдневниот живот. Започнете со полесните задачи, а потоа зафатете се со најголемата, онаа што најмногу ја мразите и ќе видите дека не ви беше толку страшно како што изгледаше во вашата глава.
– внатрешниот критичар
Колку често се напаѓаме без воопшто да сфатиме – повторно згрешивте, не знаете, како можевте да го направите тоа – колку е токсичен тој глас во вашата глава…
Бидете нежни со себе. Во ред е што понекогаш не можете, а не знаете. Научете се да бидете најдобриот родител на светот.
Има уште неколку сегменти важни за оваа полна месечина. За почеток, се работи за нашето здравје. Посетете лекар, правете го тоа систематски, приспособете ја исхраната на вашите потреби, најдете време за одмор, редовно вежбајте.
Насобрани работи што не ги користите? Ослободете го вашиот животен простор од вишокот работи. Исчистете го, организирајте го вашиот простор за да се чувствувате подобро во него.
И, конечно, Марс создава предизвикувачки аспект, па затоа полека овие денови. Бидете повнимателни во комуникација, движење и сообраќај. Пазете се од ненадејни одлуки и не правете неколку работи одеднаш. Бавно и трпеливо.
Покрај тоа, Сатурн истиот ден влегува во знакот Риби и ни поставува јасно прашање – како да го постигнам она што ми е важно, за кое толку долго сонував, но до сега немав храброст да го направам?
