Рецепт за грчки велигденски леб цуреки – полн со сладост, мекото тесто е божествено!
Доколку сакате да ја збогатите велигденската трпеза, ви предлагаме оваа година да направите цуреки – сладок грчки велигденски леб. Изгледа како плетена плетенка, а тестото е слатко, воздушесто и се развлекува.
Ви предлагаме да го испечете наутро и да го јадете додека е уште топло. Во некои делови од Грција, овој леб се јаде со чоколаден крем, во други со мармалад или сос од костени.
Можете да го јадете со велигденскиот ручек, како ужина, сладок појадок – што и да одберете, семејството ќе биде воодушевено од овој сладок новитет на вашата трпеза. Еве како се прави:
Рецепт за велигденски грчки леб цуреки
Состојки:
Првата смеса:
- 150 гр тврдо брашно
- 120 ml вода (собна температура)
- 25 гр квасец
Втората смеса:
- 200 мл млеко
- 100гр путер
- eдна кора од портокал
- 300 гр шеќер
- 1 лажица екстракт од ванила
- 4 јајца
- прстофат сол
Трета смеса:
- 850 гр брашно
- 100гр стопен путер
Облога:
- 1 жолчка од јајце разредена со една лажица вода
- листови од бадеми
Начин на подготовка:
Во сад измешајте ги сите состојки за првата смеса. Тестото се замесува со рака, се покрива со крпа и се остава да отстои околу 15 минути.
За да ја подготвите втората смеса, во сад ставете ги шеќерот, млекото, сечканиот путер, ренданата кора од портокал, екстрактот од ванила. Гответе на тивок оган и постојано мешајте додека путерот не се растопи и сите состојки целосно не се соединат.
Смесата не смее да зоврие, па штом е многу жешка извадете ја и оставете да се излади околу 10 минути. Додадете ги јајцата и солта, па повторно смешајте сè. Додадете ја првата смеса во која се наоѓа квасецот. Сè заедно лесно измешајте со миксер.
Третата смеса подгответе ја со мешање путер и брашно, па оставете ја да нарасне. Кога тестото ќе стане како гума, тогаш е готово.
Тестото поделете го на два дела, па секој дел повторно поделете го на половина за да добиете четири еднакви дела. Со секој од нив обликувајте топчиња со големина од околу 50 см.
Соединете ги четирите краеви од едната страна за да почнете да ја плетете плетенката. Најдобро е на секоја лента да се даде бројот 1-2-3-4. Преклопете ја лентата 4 преку лентата 2. Лентата 1 преку лентата 3. Лентата 2 преку лентата 3.
Повторете го овој процес онолку пати колку што е потребно за да создадете убава плетенка. Внимателно префрлете го во сад за печење обложен со хартија за печење и следете ја истата постапка за другите цуреки.
Загрејте ја рерната на 150 степени. Покријте ги двата леба со крпа и оставете да нараснат околу 30 минути. Намачкајте ги цуреките со мешавина од жолчки и вода. Посипете со снегулки од бадеми. Печете 50-60 минути.
