Бојадисување на јајца за Велигден со салфетки – техника на декупаж за најубава велигденска декорација!
Украсувањето на велигденските јајца е секогаш креативна работа на која се радуваме и доаѓаме до нови идеи како да ги бојадисаме велигденските јајца, и да ги направиме нешто посебно и оригинално.
Сигурно сте слушнале за техниката на декупаж за украсување на предмети со хартија, а сега истото можете да го направите и со велигденските јајца. Потребни ви се бели јајца, салфетки и една белка – толку е лесно и евтино што овој трик ќе го повторувате со години.
Изберете салфетки со пролетни мотиви, тоа е нашата препорака, така што вашата декорација за највеселиот христијански празник навестува радост, убава енергија и природа.
Најдете салфетки со цвеќиња, пеперутки, растенија и внимателно исечете ги овие мотиви со ножици. Сварете ги јајцата и лесно изматете ги белките со вилушка, но внимавајте премногу да не ги заматите.
Овде белките ќе послужат како природен лепак. Внимателно исечете ги пролетните мотиви од салфетките, а за декупажот користете ги само горните делови на кои се сликите.
Ставете го јајцето на држачот за јајца (може да се користи и чаша за ракија), а потоа врз сувото јајце ставете го мотивот од салфетката. Потопете ја четката во белките, а потоа нанесете ја врз мотивот од салфетка потпрен на јајцето.
Така лесно ќе се залепи делот од салфетката. Важно е јајцата потоа да се исушат. Во видеото подолу погледнете ја деталната процедура!
@_diy_studio_ Пасхальный декор яиц без химии и красителей🐣 полное описание в иг #декупажяиц #пасха #красимяйца #яйцанапасху
