Нашата православна црква и нејзините верници денеска го слават Светиот свештеномаченик Вавил
Верниците денеска го слават Свети Вавил. Свети Вавил бил патријарх на Антиохија и на целиот Исток во периодот од 237-253 година. Во православната црква се споменува како свет маченик, кој пострадал од гонењето на царот Декиј Трајан.
Според легендата од животот на Вавил, за време на еден пагански празник, тој го спречил Антиохискиот цар Нумеријан да влезе во христијанскиот храм за време на Литургијата што ја служел.
После тоа, царот наредил да се запали црквата во која се одржувала литургијата, а Вавил бил уапсен. Кога бил одведен на сослушување, тој признал дека е христијанин, иако тоа во тоа време било строго забрането.
По таа исповед, тие го врзале Вавил и го возеле низ градот, принудувајќи го да им се поклони на паганските божества и да се откаже од својата вера во Исус Христос.
Свети Вавил бил обесен на дрво и измачуван од оган, на крајот царот наредил да му ја отсечат главата. Тој бил погребан заедно со неговите ученици кои исто така умреле за својата вера.
