Нашата православна црква и денес го слави празникот посветен на Светиот свештеномаченик Климент Анкирски.
Свети Климент Анкирски е роден во 258 година во градот Анкира од татко незнабожец и мајка христијанка. Неговата мајка Ефросина го пророкувала неговото мачеништво кога Климент имал дванаесет години.
Климент е избран за епископ во своите дваесетти години поради неговата голема добрина и милост. Се верува дека јадел само леб и зелка.
Во времето на Диоклецијан бил во голема неволја. Голем дел од животот го поминал во затвор.
Бидејќи голем дел од мачеништвото го поминал во затвор и мачење, во некои краишта кај нас се верува дека на овој празник никој не смее да допира ножеви и други остри предмети за да не му ги „повреди“ раните на свети Климент.
Иако овој празник не е со црвени букви, верниците денес сепак треба да избегнуваат напорна, физичка работа и средување на домот и да поминуваат време со семејството и пријателите.
