Со овој едноставен трик лесно можете да ги отстраните етикетите од теглите.
Подготовките за зимата доаѓаат наскоро и многу домаќинки веќе се подготвуваат за овој потфат. Ајварот, слаткото, киселите краставички и сите други специјалитети во кои ќе уживаме во текот на зимата ги чуваме, најчесто во стаклени тегли.
Доколку чувате стари тегли или користите купени, на нив има различни етикети и траги од лепило кои понекогаш е невозможно да се отстранат.
Доколку и вас ве нервира што никогаш не можете целосно да ги отстраните без да оставите траги од лепак, имаме едноставен трик кој ќе ви ја олесни оваа работа.
Потребни состојки:
- сода бикарбона
- масло
Начин на подготовка:
Сè што треба да направите е да измешате еднакви делови сода бикарбона и масло за да направите паста, околу половина чаша. После тоа, нанесете ја пастата на секоја тегла од која претходно сте ги извадиле етикетите и останале траги од лепак.
Оставете го така околу 10 минути, а потоа едноставно отстранете ја пастата со влажна крпа, која исто така ќе го отстрани лепилото. После тоа, добро измијте ги теглите со топла вода и детергент и тие се спремни за складирање на зимница.
