Во случај да сте ја поставиле елката на север, украсете ја со стаклени украси во сина, бела, сребрена и златна боја – никако црвена!
Сезоната на празници може да биде стресна, како за домашниот буџет, така и поради подготовките и еуфоријата. Украсете го вашиот дом со новогодишни украси за да ви создава само позитивна енергија!
Ако мислите дека не е важно каде ќе ја ставите елката и како ќе ја украсите, се лажете! За најдобра хармонија во вашиот дом ќе придонесе ако ја ставите елката во овие делови од вашиот дом:
Зимзелената елка симболизира долговечност и пријателство, а триаголната форма на елката се смета за симбол на „оганот“.
Горниот лев агол на вашата куќа се смета за „површина на богатство“, а особено силни се триаголните форми и предметите направени од дрво. Поставувањето новогодишна елка на ова место ќе привлече пари и просперитет во вашиот дом.
Исто така, добри места за поставување на новогодишната елка се генерално сите агли на вашиот дом или централниот дел од куќата, каде што енергијата ќе се стабилизира во оваа напорна сезона.
Како е правилно да ја украсиме без да ја нарушиме нашата позитивна енергија?
Во случај да сте ја поставиле елката на север, украсете ја со стаклени украси во сина, бела, сребрена и златна боја. Новогодишната елка на запад или северозапад треба да биде во бели, сребрени, златни и жолти тонови, а никогаш црвена.
Во случај елката да се наоѓа во југозападниот или североисточниот дел од домот, поволни се украси во жолти и црвени тонови и многу керамички украси, додека белата и сребрената боја не се препорачуваат.
За да придонесе за подобро поврзување на семејството, пожелно е секој член да постави барем по еден украс на елката, бидејќи на тој начин ја поставува и својата лична енергија.
На кои места воопшто не треба да се поставува елката
Не е добро ако елката ја поставите на предниот влез или премногу блиску до вратата.
Потоа во ходникот или просторијата каде што може да го блокира преминот, во областа каде што ќе го попречи протокот на животната енергија или премногу блиску до извор на топлина или камин, каде што може да предизвика пожар или побрзо да се исуши.
Најдобрите бои
За да постигнете позитивно расположение, генерално користете многу темнозелени бои во празничната декорација на домот.
Во домот има прекумерна количина на огнена енергија (запалени свеќи, сеприсутна црвена боја и украсно осветлување) што придонесува за кавги и нервоза, а темнозелената боја успешно ја впива.
Зимзелени гранчиња, венчиња, украси и зелени покривки за маса совршено ја балансираат енергијата на просторот. За пријатна атмосфера, запалете ароматична свеќа или стапчиња со мирис или масло од мандарина, портокал, лимон или цимет секој ден.
