Природен додаток за красулата од една намирница – еве како растението на парите да стане побујно, побрзо да расте и да се расцвета!
Красулата е растение за кое се верува според фенг шуи дека привлекува среќа и пари во домот. Тоа е најпопуларното растение според фенг шуи, а се нарекува и „дрво на парите“ или „растение од жад“.
Неговите месести листови во форма на монети го прават симбол на раст, обновување и просперитет. Според експертите за фенг шуи, красулата внесува позитивна Чи енергија во домот, а најпрво се поставува во југоисточниот дел од домот или работното место.
За негата е важно да има доволно светлина, но да не се изложува на директна силна сончева светлина за да не изгорат листовите и да не пожолтат. Една од најчестите грешки е прекумерното наводнување на растението.
Ако растението ги изгуби лисјата и почне да скапува, тоа е знак дека сте го наводнувале премногу. Количината на наводнување зависи од годишните времиња и временските услови.
Во текот на зимата, красулата треба да се полева многу ретко, околу 2 до 3 пати во текот на сите зимски месеци. Во пролет и лето растението почесто се полева, но и тогаш не треба да се претерува, туку да се полева кога земјата целосно ќе се исуши.
Иако е лесен за одржување, за многумина красулата стагнира во растот, не свети или ја губи полнотата, односно волуменот на листовите. Се верува дека колку е растението поздраво, толку е поголемо и пообилно расте, особено се расцветува, што носи поголем финансиски успех во домот.
Затоа нејзината нега можете да ја збогатите со природни суплементи, односно со намирница што веќе ја имате во кујната. Неопходно е да се растворат 10 g квасец во литар топла вода.
Оставете го квасецот целосно да се растопи, водата да се олади и повремено со овој раствор полејте ја красулата (не обилно).
Квасецот содржи фитохормони и ауксини (растителни хормони за раст и развој) и витамини од групата Б. Квасецот има моќ да ги стимулира клетките, односно развојот на клетките и растот на растенијата.
