Според фенг шуи, важно е дрвото на парите да се стави на вистинското место во домот – само тогаш ќе почне да привлекува изобилство и да ги исполнува желбите!
Во Фенг Шуи, постојат различни растенија за кои се верува дека имаат моќ да привлечат одредена енергија.
Додека орхидејата е неприкосновена за љубовта, ова растение се нарекува „Дрво на парите“ затоа што се верува дека привлекува изобилство и богатство.
Положбата на растението во вашиот дом, како и начинот на неговото поставување, може значително да влијае дали украсот ќе го има вистинскиот ефект, истакнуваат експертите за фенг шуи.
Откриваме каде треба да го ставите вашето Дрво на парите, односно красулата и да го искористите максимално за да ги остварите вашите финансиски желби:
Според традиционалниот фенг шуи, југоисточниот дел од куќата или канцеларијата е идеална локација за красулата. Овој дел од домот го нарекуваат и „катче за пари“, па природно е во тој агол да се постави растение што привлекува изобилство.
Важно е растението да има доволно светлина и редовно да се грижите за него. Најлошите делови од куќата во кои според правилата на фенг шуи не треба да чувате красула се бањата и „љубовниот простор“, односно северозападниот дел од домот.
