Ви го претставуваме најдобриот начин за подготовка на спанаќ.
Спанаќот е „суперхрана“ поради своите бројни хранливи материи.Тој му обезбедува на телото протеини, железо, витамини и минерали.
За да се зачуваат што повеќе здрави состојки во спанаќот, потребно е да се готви што е можно пократко, а особено да не се изложува на високи температури. Наједноставниот начин за подготовка на спанаќ е бланширање.
Тоа значи да го ставите накратко во зовриена, малку посолена, вода – неколку минути ќе бидат доволни. Промешајте неколку пати и веднаш процедете. Секако, добро измијте го пред бланширање.
Потоа подгответе го на вообичаен начин: во тава загрејте малку масло и пропржете го сечканиот лук. Додадете една лажица брашно и мешајте додека не побели. Промешајте.
Кога се ќе се загрее и ќе почне да се згуснува, малку по малку додавајте млеко. Потоа додадете бланширан спанаќ и зачини и послужете со ручекот. Најдобро е да направите количина што ќе ја јадете веднаш, бидејќи не се препорачува подгревање.
