Треба да научиме да бидеме благодарни за многу работи во животот. Денеска почнете да ги цените оние нешта и ситници кои често не ги забележувате и ги земате здраво за готово
Ако сега ве прашаме за што сте благодарни, веројатно ќе треба да размислите, да се сетите што ви е најважно во животот, а тоа се семејството и пријателите. Отпрвин мислиме дека сме благодарни што ги имаме во животот, но често забораваме на основните работи, без кои не би имало ништо друго.
Благодарноста е важна затоа што нè учи да го цениме животот и сето она што ни го нуди, да живееме во сегашниот момент и да станеме посвесни за себе и за нашата околина. Еве на што друго треба да бидеме благодарни освен семејството и пријателите:
1. Благодарност кон животот
Ако нешто не научи во последните неколку години, тоа е дека животот е навистина непредвидлив, дека е кревок и дека сè може да исчезне за миг. Тоа што го имавме лесно можеме да го изгубиме, денес сме, утре не сме, денес можеме да бидеме здрави, а утре може ќе дознаеме дека боледуваме од некоја ретка болест…
Затоа престанете да земате се здраво за готово. Бидете благодарни на животот за се што ви дал, што се разбудивте утрово и станавте од кревет. Што гледате, што чувствувате… Што можете да мислите, да создадете, да љубите… Што можете да правите што сакате!
2. Благодарност за јадењето на масата
Многу луѓе во светот немаат парче леб на ден и си легнуваат гладни. За тоа вие не сте виновни и секако имате право да јадете што сакате и колку сакате.
Но, запомнете ги оние кои го немаат тоа, секогаш кога сте незадоволни или кажете дека не ви се јаде нешто или се жалите на вашиот сопружник, мајка или сестра на денешниот ручек. За вас она што е мало целосно е недостапно за некого. Бидете среќни да имате оброк на маса секој ден.
3. Благодарност за покрив над глава
Можеби вашата куќа е мала, незабележлива, можеби е стара, но ваша е и ви дава засолниште. Бидете благодарни што го имате вашето топло скривалиште, вашата мирна оаза.
Додека сонувате за вила со базен и градина или луксузен апартман, запомнете дека во овој момент многу луѓе немаат ништо, дури ни соба во која би можеле да спијат бидејќи ја однеле поплава, пожар, војна, долгови…
4. Благодарност за новите искуства
Ако сте имале можност да отпатувате малку, да го видите светот, да запознаете непознати луѓе и нивните животни приказни, да се забавувате – вие сте богат човек, дури и паричникот да ви е полупразен.
Побогати сте за многу нови искуства, за пејзажите што сте ги виделе, за луѓето со кои разговаравте, за убавите моменти што ќе ги паметите…
Бидете благодарни за тоа, бидејќи не секој има можност да го стори тоа. Има многу луѓе на планетава кои не отишле подалеку од родното место, немаат идеја како да живеат на друго место.
5. Благодарност за времето
Често забораваме колку е драгоцено времето. Тоа е ресурс кој често го трошиме, а кој не го земаме предвид. Бидете благодарни за времето што го поминавте со вашите најблиски, за времето што го поминувате во учење, создавање, уживање во погледот на зајдисонцето или панорамата на градот…
Времето е неповторливо, моментот се случува сега и никогаш нема да биде пак истото. Мислете за тоа! Не трошете го на луѓе кои не се достојни за тоа, кои се токсични и ве оптоваруваат, на работи што не ви носат ништо.
