Идеален колач направен од банана и чоколадо. Ако се прашувате која наредна торта би можеле да ја направите, имаме предлог за вас. За денес, избираме комбинација од банана и чоколадо.
Потребни состојки:
208 гр брашно
¾ лажичка прашок за пециво
¾ лажичка сода бикарбона
Малку сол
Лажичка цимет
183 гр парчиња чоколадо
50 гр сецкани ореви
96 гр шеќер
100 гр путер
1 јајце
4 банани со средна големина
60 мл јогурт или кисела павлака
2 лажички екстракт од ванила
Фил:
46 гр чоколадо исечено на мали парчиња
78 гр кафеав шеќер
24 гр овесна каша
69 гр брашно
4 лажици стопен путер
Малку сол
Неколку лажици чоколадо за посипување
Вклучете ја рерната на 180С. Прво направете го филот. Во среден сад измешајте ги сите состојки за филот освен путерот, на крај додадете го путерот, добро измешајте и оставете настрана.
Квадратен калап со должина од 20 см, намрсете го и оставете го настрана и започнете со подготовка на долната кора.
Во голем сад измешајте брашно, сода, прашок за пециво, сол и цимет. Промешајте ги парчињата чоколадо и оревите и оставете ги настрана. Користејќи електричен миксер во посебен сад, изматете го путерот со шеќер додека не стане пенест, додадете го јајцето и мешајте додека се не се соедини.
На самиот крај, додајте ги изгмечените банани, екстракт од ванила и јогурт или павлака, додадете ги сувите состојки и се убаво соединете со миксер.
Оваа смеса истурете ја во плех за печење, а врз неа истурете го претходно подготвениот фил. Печете 30 минути.
