Кујнскиот сунѓер може да биде почва за бактерии. Искористениот сунѓер за садови е веројатно највалканото нешто што го имате во домот, бидејќи собира повеќе бактерии отколку тоалетната школка.
Затоа, се препорачува да се менува што почесто – барем еднаш неделно. Сепак, според една неодамнешна студија објавена во списанието за здравје на животната средина, рокот на траење на кујнскиот сунѓер може да биде до три недели, доколку правилно се одржува.
Затоа е многу важна дезинфекцијата и тоа само на високи температури за да бидете сигурни дека сте ги уништиле сите бактерии.
Продолжете го животниот век на сунѓерот со соодветна дезинфекција
Треба да истурите вода во поголемо тенџере, да додадете една лажичка прашок за перење или сода бикарбона, да почекате водата да зоврие и да го ставите сунѓерот.
По неколку минути намалете го огнот и оставете го во зовриена вода да се „вари“ уште десетина минути. Потоа тргнете го тенџерето од шпоретот, исцедете ја водата и оставете го сунѓерот да се исуши на сонце.
На овој начин можете да ги дезинфицирате и сунѓерските крпи за апсорпција на вода.
