Рецепт за масло од комарци – направете го сами и заштитете се од каснувањата! Уживајте безгрижно во природа и топлите летни ноќи на отворено…
Како да се користат етерични масла против комарци? Можете да нанесете репелентни есенцијални масла на неколку начини. Безбедниот начин на користење на етерични масла е многу важен, поради нивните моќни, високо концентрирани состојки.
Понекогаш е тешко да се проценат пропорциите и да се откријат најдобрите комбинации, затоа ви издвојуваме препорачани рецепти за подготовка на масла за тело кои ќе ве заштитат од каснувањата од комарци.
Направете мешавина од препорачаните есенцијални масла со базното масло за да добиете препарати за нанесување директно на кожата.
РЕЦЕПТ 1
● 4 ml есенцијално масло од еукалиптус, лимонско
● 4 ml есенцијално масло од кедар, атласко
● 92 ml мацерација на невен во бадемово масло
Нанесете неколку капки дневно.
РЕЦЕПТ 2
● 20 капки есенцијално масло од маточина
● 20 капки етерично масло од цитронела
● 5 капки есенцијално масло од чајно дрво
● 10 капки есенцијално масло од рузмарин, цинеол
● 45 ml базно масло (нерафинирано сончогледово масло, бадемово масло, итн.)
Подготовка: Додадете ги наведените есенцијални масла и базното масло во шише од 50 ml. Затворете и нежно измешајте. Нанесете тенок слој на кожата и нежно втријте. Доколку е потребно, повторете ја постапката на секои 2 часа.
