5 рецепти за природни ѓубрива од остатоци од храна – вашите растенија ќе бидат полни со лисја и цветови!
Хранењето на растенијата е неопходно за да имаме богати цветни леи, здрави и лиснати растенија кои се развиваат правилно и го прават нашиот дом вистинска оаза која е во хармонија со природата.
Не треба да трошите пари на хемикалии, да ризикувате и небезбедно да се вклучите во процеси со разни вештачки ѓубрива. Наместо тоа, направете природно ѓубриво за 0 денари, бидејќи сигурно веќе ги имате сите состојки дома.
Сите знаеме за ѓубриво со лушпи од јајца, како и за хранење со кора од банана или талог од кафе, но време е за нови рецепти. Ви донесуваме 5 рецепти за природни ѓубрива од остатоци од храна – вашите цвеќиња ќе ви се заблагодарат:
1. Чај – Кога процедувате билен чај, зачувајте го неговиот талог, односно билките што сте ги подготвиле.
Направете додаток од нив така што ќе прелиете мешавина од 3 лажици талог од чај со литар топла вода и оставете да отстои околу 5 дена. Се процедува и се користи како прихрана.
2. Вода од варени зрна – Кога готвите ориз, хељда или пченица, водата во која сте го зготвиле зрното можете да ја користите како додаток за растенијата.
Таквата вода содржи силициум, железо, магнезиум, фосфор, па ќе ги нахрани корените на вашите растенија со потребните минерали.
3. Прскање со инфузија од кора од портокал – Ова е превенција против грини и инсекти.
Корите од портокал прелијте ги со литар зовриена вода и оставете ги да отстојат околу 4-5 часа, па процедете. Добиената течност истурете ја во шише со распрскувач и испрскајте ги растенијата.
4. Сокот од алое е биостимулатор за раст – Оваа смеса се користи за подобро ‘ртење на семето на растението. Кога ги натопувате семките во вода, додадете неколку капки сок од алое, инкубирајте 8 до 20 часа.
Кога наводнувате растенија во затворен простор, можете да додадете и малку сок од алое во водата. Важно е да се користи алое кое е постаро од 3 години. Можете да го процедите сокот, да го чувате во фрижидер неколку дена и да го користите неколку пати кога ги полевате цвеќињата.
5. Квасец – Го стимулира растот и развојот на растителните клетки, богат е со витамини од Б групата. Измешајте 50 гр квасец со 5 лажички шеќер и 5 литри млака вода.
Добро измешајте и оставете да отстои околу 3 часа. Пред наводнување на растенијата, измешајте ја прихраната со квасец, а потоа наводнувајте ги цвеќињата.
