Доколку, како и повеќето луѓе, ја фрлате кората од лимонот откако ќе го исцедите, имајте на ум дека правите голема грешка. Кората од лимон може да се користи на многу начини, но најважно е дека е многу побогата со витамин Ц од цедениот сок од лимон!
На крајот на краиштата, доволно е да се направи споредба помеѓу 100 грама сок и 100 грама кора од лимон – кората има 3 пати повеќе витамин Ц, 1,5 пати повеќе калиум и дури 22 пати повеќе калциум!
Секако, пред да користите кора од лимон, погрижете се лимонот да е од органско потекло и да не се користат пестициди при неговото одгледување.
Декорација на торта
Овој метод го користеа нашите мајки. Изрендајте ја кората и ставете ја како декорација. Изгледа одлично, а има ист вкус.
Отстранување бигор
Истурете вода во садот од кој сакате да го отстраните насобраниот бигор и додадете ја кората. Варете 15 до 20 минути на тивок оган. По готвењето, садовите ќе ви бидат чисти, а целата куќа ќе мириса на лимон.
Освежувач во домот
Кога сме кај мирисите, варете кора од лимон на тивок оган 15 до 30 минути, а по желба можете да додадете неколку капки есенцијално масло или зачини како анасон или цимет во водата. Домот ќе ви мириса фантастично, а варењето можете да го повторувате неколку пати во текот на денот.
Чистење на даската за сечкање
Измешајте една лажичка сода бикарбона со малку вода или сок од лимон, а добиената смеса нанесете ја на даска и добро истријте ја со кора од лимон. На сличен начин можете да исчистите разни дрвени површини.
Спреј за дезинфекција
Истурете 2 чаши дестилирана вода во сад со капак и додадете кора од лимон и десет капки есенцијално масло со антибактериско дејство (лаванда или чајно дрво).
Покријте го садот и оставете го да отстои неколку часа (можеби и преку ноќ), а потоа процедете ја смесата и истурете ја во прскалката. Спрејот можете да го користите за сите работни површини, а спрејот е 100 проценти природен и безбеден и за децата.
